|
如果有第二集 , 好有可能係仲有d小異型未死(有d似<28週後>) , 因為套戲都冇交代過俾小異型咬會點 , 淨係知會爆血.... 我反而覺得小異型比大異型更恐怖
我就估隻大monster 係d古代生物 , 沉左係海底突然醒番
to唔識欣賞的人:
咩爛尾姐? 知唔知咩叫爛尾呀? 係咪要王子公主好快樂咁生活先得呀?
套戲既結局刻意保持神秘 , 咁不知幾完美 , 就係因為結局唔完整 , 咁你先有想像空間 , 令故事繼續發展係你腦海入面. 套戲有超多人討論 , 話題性不知幾高 , 咁已經係空前既成功.
仲有阿 , 家下市民求生呀... 你估超人打怪獸呀? 現實生活我地遇到危難都係咁無能架咋 , 仲係死左都唔知咩事個隻 , 如果你一心抱住英雄主義又黎睇呢套戲 , 對唔住 , 套戲唔岩你.
你連套戲想交代既係咩你都唔知 , 學咩人批評 , 唔識欣賞係你既事 , 唔該呀 , 唔好再侮辱同攻擊人地花左好多心機先完成既電影藝術!
[ 本帖最後由 hopeipei 於 25-1-2008 14:56 編輯 ] |
|