本帖最後由 孤獨‘謙→ 於 2-7-2010 14:03 編輯
《準備I》
"哇!! 又鋸 又剷 又水喉通 又士巴拿 重要有兩把(開山刀)!!果然係五金店世家喎"
H指住我岩岩拎出泥ge[武器]
我有d唔好意思"hea~ 邊係呢 呢d好平常ge野泥嫁姐"(冇計喇 比靚女讚係會有d怕醜)
祖"扮Q呀?!呼街!!你d所謂(武器)全部都係打近身 你同家奇學過下泰拳就話識d身法姐 我地呢d點算"
爪口震震..."係喎...!!人地拍戲都話晒有支槍呀!!宜家死左都冇人知嫁喎!!人係怕死嫁嘛 冇計喇"
我聽到之後靈機一閃"話時話 想當年我老豆就好似真係留左支槍係到 等我搵搵!!"
講完之後我入左房 唔洗一分鍾就拎住個長方形30cm * 80cm 左右ge盒出泥
全世界見到個盒就好似見到希望一樣
阿南見到重好興奮咁問"AK定係M4泥嫁先@@"
我帶住驕傲ge眼神 係大家ge目光下 打開左個盒 當我打開個盒之後 引來ge 竟然係「近來伯母好嗎...?」
suki"咩Q野呀雞哥 呢支都叫槍?!"
我有d不解"呢支重唔係叫做槍?!"
豪b"大佬呀!!(櫻槍)拎泥插嫁!!咪又係近戰 有冇開得果d呀?有得「砰」「砰」「砰」果d呢?"
我有d失禮"冇呀... 我話晒都係一個正常家庭泥嫁!!呢d x 法ge野我屋企點會有呢!!"我打後先諗到個嚴重性
爪開始煩..."咁宜家點算呀?d(武器)有等於冇!!"
"你唔好用囉!!"我d火都開始上緊 個人開始燥
"我唔用你保護我呀?!我有條女嫁 但係你呢? 你冇人冇物 你老豆又去左 同雞嫂又散左 死左最多咪你媽媽傷心!!"
我聽到之後再也忍唔住 正當我想動手打爪ge時候...
果位比阿南拉上車ge女仔突然出聲"唔好意思... 不過阿雞你最好過一過泥睇下"
我忍住打人ge衝動 深呼吸左幾次之後 慢慢行過去窗口 望一望果個女仔叫我望果到...
睇完我即刻打電話比家奇 因為我見到[佢地]係白沙灣殺緊上泥... |